बिहिबार, कार्तिक २६ २०८३
बिहिबार, कार्तिक २६ २०८३
बिहिबार, मंसिर २० २०८१
काठमाडौ। चितवनमा बयान सकेर राष्ट्रिय स्वतन्त्र पार्टीका सभापति रवि लामिछानेलाई राति नै गाडीमा पोखरा पुर्याइएको छ ।
चितवनमा २ दिनसम्म बयान सकेर राति नै स्थलमार्ग हुँदै लामिछानेलाई चितवनबाट मध्यराति पोखरा पुर्याइएको प्रहरीले जनाएको छ ।
बिहान लैजाँदा उनका समर्थकहरुको भिडभाड हुनसक्ने भएपछि राति नै सडकमार्ग हुँदै पोखरा पुर्याइएको प्रहरीको भनाइ छ ।
हिजो दिउँसो लामिछाने बयान चलिरहँदा हिजो चितवनमा राष्ट्रिय स्वतन्त्र पार्टीका समर्थकहरूले प्रदर्शन गरेका थिए ।
उनलाई पोखराबाट फेरि पर्सा लैजाने तयारी छ । जिल्ला प्रहरी कार्यालय पर्साले पनि पक्राउको आदेश पाएसँगै उनलाई फेरि वीरगञ्ज लैजाने तयारी प्रहरीले गरेको हो ।
लामिछानेविरुद्ध पर्सा जिल्ला अदालतबाट पनि पक्राउ पुर्जी जारी भएको छ । वीरगञ्ज महानगरपालिका–६ आदर्शनगरमा रहेको सानो पाइला बचत तथा ऋण सहकारी संस्थाको रकम गोर्खा मिडिया नेटवर्क प्रालिमा लगेर अपचलन गरेको प्रकरणमा अनुसन्धान गर्न रविलाई पक्राउ अनुमति दिइएको हो ।
