बिहिबार, कार्तिक २६ २०८३
बिहिबार, कार्तिक २६ २०८३
पार्टी विभाजनपछिको अवस्था र सरकारमाथिको समर्थनलगायतका विषयमा छलफल हुने
मंगलबार, बैशाख २५ २०८१
काठमाडौं । जनता समाजवादी पार्टी, नेपालको संसदीय दलको बैठक बस्दैछ । बैठक आज बिहान ८ बजेबाट पार्टी केन्द्रिय कार्यालय बालकुमारीमा बस्न लागेको हो ।
बैठकमा पछिल्लो समसामयिक राजनीतिक विषयका बारेमा छलफल हुनेछ । आईतवार मात्रै ७ जना प्रतिनिधि सभा सदस्यसहित अशोक राईले जनता समाजवादी पार्टी गठन गरी दर्ता भइसकेको छ ।
पार्टी अध्यक्ष उपेन्द्र यादव अमेरिकाको भ्रमणमा रहेका बेला उनको दल विभाजन भएको हो । आफू विदेशमै भएको बेला अशोक राईको नेतृत्वमा बहुमत सदस्यले पार्टी फुटाएपछि यादव भ्रमण छोट्याएर गएराति स्वदेश फर्किएका छन् । उनी न्यूयोर्कस्थित यूएन सेक्रेटरियटमा आयोजित विश्व जनसंख्यासम्बन्धी सम्मेलनमा भाग लिन गत शनिबार त्यता गएका थिए ।
यसैबीच यादवले संसदीय दलको बैठक बोलाएका छन् ।
प्रतिनिधि सभामा १२ सांसद भएकाे जसपामा अब उपेन्द्र यादवसँग जम्मा ५ जना मात्रै सांसदहरु छन् ।
केहीबेरपछि बस्ने बैठकमा पार्टी विभाजनपछिको अवस्था र सरकारमाथिको समर्थनलगायतका विषय साथै भावी रणनीतिबारे संसदीय दलको बैठकमा छलफल हुने बताइएको छ ।
