जिबी राईलाई समाते कसको फाईल खुल्छ ?

काठमाडौं – पूर्वउपप्रधान तथा गृहमन्त्री एवम् राष्ट्रिय स्वतन्त्र पार्टी (रास्वपा)का सभापति रवि लामिछानेले सरकार आफै सहकारी समस्या समाधान गर्न र जिबी राईलाई समात्न नचाहेको आरोप लगाएका छन्। मंगलबार काठमाडौँको स्वयम्भूमा आयोजित रास्वपा कर्णालीको चियापान कार्यक्रममा बोल्दै रविले जिबी राईलाई समाते यस्को जरो धेरै माथि सम्म जानि भएकाले गृहमन्त्रीले नै सहकारी समस्या समाधानका लागि काम गर्नुको साटो आफूलाई दु:ख दिने काम गरेको आरोप लगाएका हुन्। भिडियो हेर्न यहाँ क्लिक गर्नुहोस्

‘यदि सरकारले अथवा गृहमन्त्रीज्यूले साँच्चै यो सहकारी पीडितका लागि न्याय दिनुपर्‍यो, सहकारी पीडितहरुका लागि काम गर्नु पर्‍यो, यी सहकारीबाट भागेकाहरुलाई समातेर भए पनि यिनको सम्पत्ति अहिलै कब्जा गरेर, कानुन ल्याएर, अध्यादेश ल्याएर सप्पै पीडितलाई बाँड्नु पर्‍यो भनेर लागिपरेको भए अहिलेसम्म कयौँ पीडितहरुले पैसा पाइसक्थे, केही न केही सुरुवात हुन्थ्यो,’ लामिछानेले भने, ‘तर, उहाँको ध्यान त यल्लाई चाहिँ छोड्नु भएन, केही भेटिन्छ कि यता खोज्नुस् त्यहाँ खोज्नुस् भेटिन्छ कि भनेर यति समय धाउनु भयो।’

उनले यति समय सरकारले पीडितहरुलाई न्याय दिने, पीडितहरुको पैसा फिर्ता दिने, त्यसका लागि एउटा चुस्त कार्यदल बनाउने, योग्य क्षमतावान मान्छेहरु राख्ने र राज्यले काम गर्ने गरेको भए पीडितहरुले न्याय पाइसकेको हुने बताए।

‘मेरो लागि खर्चिएको समय पीडितका लागि खर्चिएको भए पीडितलाई न्याय दिन सकिन्थ्यो,’ रविले भने, ‘अझै पनि आडिया चाहिन्छ भने सम्पर्क राख्नुहोस् हामी भन्दिन्छौँ। सहकार्य गर्ने हो भने हामी तयार छौँ।’

उनले पूर्वउपप्रधानमन्त्रीलाई समाउने सरकारले जिबी राईलाई किन समात्न नसकेको भन्दै गृहमन्त्रीलाई प्रश्नसमेत गरे।