मंगलबार, कार्तिक २४ २०८३
मंगलबार, कार्तिक २४ २०८३
शुक्रबार, पुष २७ २०८०
चितवनको खैरहनी नगरपालिका–२ चैनपुर चोकमा बा.प्र.०३–००१ च १७२७ नम्बरको बलेरो गाडीले प्रदेश ०३–०२–००६ प ९०६८ नम्बरको स्कुटरलाई बिहीबार राति ठक्कर दिँदा स्कुटर चालक राप्ती नगरपालिका–८ ब्रमानगर बस्ने ३० वर्षीय करण श्रेष्ठको मृत्यु भएको छ । दुर्घटनामा गम्भीर घाइते भएका उनको पुरानो मेडिकल कलेज भरतपुरमा उपचारको क्रममा मृत्यु भएको हो । बलेरो चालकलाई प्रहरीले नियन्त्रणमा लिएको छ ।
यसैगरी चितवनको भरतपुर महानगरपालिका–७ स्थित सडकमा बिएबि २८७५ नम्बरको कारले बा.प्र.०३–००३ प १७७६ नम्बरको मोटरसाइकललाई बिहीबार राति ठक्कर दिँदा मोटरसाइकल चालक माडी नगरपालिका–६ रामराज्यपुर बस्ने ३५ वर्षीय कुल प्रसाद सापकोटाको मृत्यु भएको छ । दुर्घटनामा गम्भीर घाइते भएका उनको नयाँ मेडिकल कलेज भरतपुरमा उपचारको क्रममा मृत्यु भएको हो । कार चालकलाई प्रहरीले नियन्त्रणमा लिएको छ ।
सुर्खेतको भेरीगंगा नगरपालिका–५ स्थित सडकमा सुर्खेतदेखि नेपालगंजतर्फ जाँदै गरेको भे.१ ख ३६३० नम्बरको मिनिबस बिहीबार दिउँसो दुर्घटना हुँदा बसमा सवार बर्दिया बारबर्दिया नगरपालिका–११ बस्ने २३ वर्षीय रोशन चौधरीको घटनास्थलमै मृत्यु भएको छ । दुर्घटनामा घाइते भएका बसका चालक समेत १६ जनामध्ये ४ जनाको नर्सिङ होम नेपालगंज बाँकेमा उपचारको भइरहेको छ भने १२ जना उपचार पश्चात डिस्चार्ज भएका छन् ।
बाँकेको नेपालगंज उपमहानगरपालिका–१८ स्थित सडकमा प्रदेश ३–०२०१२ प ११४० नम्बरको स्कुटरले भे.१३ प १३८१ नम्बरको मोटरसाइकललाई बिहीबार साँझ ठक्कर दिँदा मोटरसाइकल चालक कैलाली मन्याल गाउँपालिका–५ बस्ने ४३ वर्षीय हरी बुढाको मृत्यु भएको छ । दुर्घटनामा गम्भीर घाइते भएका उनको नर्सिङ होम नेपालगंजमा उपचारको क्रममा मृत्यु भएको हो । स्कुटर चालकलाई प्रहरीले नियन्त्रणमा लिएको छ ।
मकवानपुरको गढी गाउँपालिका–१ बादरखोल्सीमा लेनडाँडाबाट बादरखोल्सीतर्फ जाँदै गरेको बा.प्र–०३–००१ ख १४८९ नम्बरको टिपर आफै अनियन्त्रित भई गएराति दुर्घटना हुँदा टिपर चालक हेटौंडा उपमहानगरपालिका–१५ रातोमाटे बस्ने २२ वर्षीय सुकदेव पाख्रिनको मृत्यु भएको छ । दुर्घटनामा गम्भीर घाइते भएका उनको हेटौंडा अस्पतालमा उपचारको क्रममा मृत्यु भएको हो ।
मोरङको सुनवर्षी नगरपालिका–६ केरेन्जास्थित सडकमा प्र.नं.०१–०१–००२ त ०३८८ नम्बरको ट्याक्टरको ठक्करबाट सोही ठाउँ बस्ने संजय ऋषिदेवको छोरा ११ वर्षीय समिर ऋषिदेवको बिहीबार बेलुकी घटनास्थलमै मृत्यु भएको छ । ट्याक्टर चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले थप अनुसन्धान गरिरहेको छ ।
