लुम्बिनी प्रदेशमा दुई मन्त्रालयको नाम परिवर्तन

काठमाडौँ– लुम्बिनी प्रदेशका दुईवटा मन्त्रालयको नाम परिवर्तन गरिएको छ ।

लुम्बिनी प्रदेशको हिजो बसेको बैठकले आन्तरिक मामिला, कानुन तथा सहकारी मन्त्रालय तथा आर्थिक मामिला मन्त्रालयको नाम परिवर्तन गरेको हो ।

जसअनुसार आन्तरिक मामिलालाई गृह मन्त्रालय तथा आर्थिक मामिलालाई अर्थ मन्त्रालय बनाइएको सरकारका प्रवक्ता तथा आन्तरिक मामिला मन्त्री सन्तोषकुमार पाण्डेले जानकारी दिए ।