बुधबार, साउन १३ २०८३
बुधबार, साउन १३ २०८३
काठमाडौं । नेकपा (माओवादी केन्द्र) को स्थायी कमिटी बैठक आज पनि बस्दैछ । बैठक बिहान ११ बजेबाट पार्टी केन्द्रिय कार्यालय पेरिस डाँडामा बस्नेछ ।
बिहीवारदेखि शुरु भएको बैठकमा पार्टी अध्यक्ष एवं प्रधानमन्त्री पुष्पकमल दाहाल प्रचण्डले बिहीवार प्रस्तुत गरेको समसामयिक राजनीतिक परिस्थितिको प्रतिवेदनमाथि छलफल हुनेछ ।
बिहीबारको बैठकमा प्रचण्डले समसामयिक विषयमा ब्रिफिङ गर्दै राष्ट्रपति र उपराष्ट्रपति निर्वाचनबारे नेताहरुको धारणा समेत मागेका थिए ।
नेपाली कांग्रेसले पनि विश्वासको मत दिएकाले कसरी जाने भनेर एमाले र अरु दलहरुसँग सम्वाद भइरहेको प्रचण्डले बताएका थिए ।
तर वर्तमान गठबन्धनलाई तलमाथि गर्नेबारे आफ्नो कुनै सोच नभएको उनले बताएका थिए । सके पार्टी एकता नभएपनि भावी चुनावसम्म गठबन्धन टिकाएर जाने आफ्नो प्रयत्न रहने उनले बताएका थिए ।
