शनिबार, कार्तिक १४ २०८३
शनिबार, कार्तिक १४ २०८३
विराटनगर । प्रदेश १ को सभामुखमा माओवादी केन्द्रका सांसद बाबुराम गौतम निर्वाचित भएका छन् ।
बिहीबार बसेको बैठकमा सभाका जेष्ठ सदस्यले गौतम निर्विरोध निर्वाचित भएको घोषणा गरे ।
सभामुखमा माओवादी केन्द्रका सांसद बाबुराम गौतमको एकल उम्मेदवारी परेको थियो ।
ज्येष्ठ सदस्य गयानन्द मण्डलले सभामुखमा गौतमको एकल उम्मेदवार परेकाले निर्विरोध निर्वाचित भएको घोषणा गरे ।
गौतमको प्रस्तावकमा नेकपा एमालेका रेवतिरमण भण्डारी र नारायणबहादुर मगरलगायत समर्थक थिए ।
गौतमलाई सत्ता पक्ष र प्रतिपक्षी दलको पनि समर्थन थियाे।
माओवादी केन्द्रका केन्द्रीय सदस्य गौतम ओखलढुङ्गाको प्रदेश सभा निर्वाचन क्षेत्र नम्बर २ बाट प्रत्यक्ष निर्वाचित भएका हुन् ।
