शनिबार, कार्तिक २१ २०८३
शनिबार, कार्तिक २१ २०८३
जाजरकोट । जाजरकोटमा आज बोलेरो (जिप) दुर्घटना हुँदा ३ जनाको घटनास्थलमै मृत्यु भएको छ ।
जुनिचाँदे गाँउपालिका–५ वलेबनमा बोलेरो सडकबाट अन्दाजी ५० मिटर तल खस्दा ३ जनाको मृत्यु भएको हो । दुर्घटनामा ८ जना घाइते भएका छन् ।
मृत्यु हुनेमा जिपमा सवार दैलेखको गुँरास गाँउपालिका–७ की अन्दाजी ३४ बर्षीया कालिका शाही, सोही गाँउपालिका–५ शिवपुरीकी अन्दाजी ४० बर्षीया पुतला गिरी र सोही स्थानका अन्दाजी २१ बर्षीय दर्शन शाही रहेका छन् ।
दुई जनाको घटनास्थलमा र एक जनाको उपचारको लागी अस्पताल लैजाने क्रममा बाटोमै मृत्यु भएको प्रहरीले जनाएको छ ।
घाइते भएका अन्य सबैलाई उद्धार गरि उपचारको लागी जिल्ला अस्पताल जाजरकोट तर्फ पठाइएकोमा हेलीकप्टरद्धारा थप उपचारको लागी सुर्खेत पठाउने तयारी भइरहेको छ । घाइते मध्ये चालक सहित ३ जनाको अवस्था गम्भीर रहेको छ ।
लुहादहबाट शिवपुरीतर्फ जादै गरेको कर्णाली प्रदेश ०२–००१ च ०३४१ नम्बरको बोलेरो (जिप) आज बिहान साढे ७ बजे एक्कासी ब्रेक फेल भएर पल्टिएको ईलाका प्रहरी कार्यालय गर्खाकोट जाजरकोटले जनाएको छ ।
