शनिबार, कार्तिक १४ २०८३
शनिबार, कार्तिक १४ २०८३
काठमाडौँ l स्याङजा, भिरकोट नगरपालिका–७ खिलुङ बस्ने ४५ वर्षीय डुल वहादुर रोकालाई करिब १४ किलो अवैध लागूऔषध गाँजा, १ थान भरुवा बन्दुक र २७ वटा छर्रा सहित आइतबार साँझ प्रहरीले पक्राउ गरेको छ ।
उनको घरमा लागूऔषध गाँजा लुकाई राखेको भन्ने खबर प्राप्त हुनासाथ जिल्ला प्रहरी कार्यालय स्याङजाबाट खटिएको प्रहरीले उनको घर जाँच गर्ने क्रममा उक्त गाँजा र हतियार सहित फेला पारी उनलाई पक्राउ गरेको हो ।
कास्की, पोखरा महानगरपालिका–३० पावरहाउसबाट करिब १ किलो अवैध लागूऔषध गाँजा सहित सोही महानगरपालिका–१७ डेबिट फल्स बस्ने १५ बर्षीय किशोरलाई आइतबार साँझ प्रहरीले पक्राउ गरेको छ । बा.३ ख २३९४ नम्बरको हाईसलाई वडा प्रहरी कार्यालय गगनगौडाबाट खटिएको प्रहरीले जाँच गर्ने क्रममा झोलामा लुकाई ल्याएको उक्त गाँजा सहित फेला पारी हाइसमा सवार ती किशोरलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
