शुक्रबार, कार्तिक १३ २०८३
शुक्रबार, कार्तिक १३ २०८३
काठमाडौं । नेपाली कांग्रेसको सहमहामन्त्रीमा महिलातर्फबाट महालक्ष्मी डीना उपाध्याय विजयी भएकी छन्। मत गणना अनुसार उपाध्यायले प्रतिस्पर्धी कमला पन्तलाई चार सय २८ मतान्तरले पराजित गरेकी हुन् ।
कुल चार हजार ६ सय ३८ सदर मतमा उपाध्यायले दुई हजार पाँच सय ३३ र पन्तले दुई हजार एक सय पाँच मत प्राप्त गरेकी छिन्।
उपाध्याय सभापति शेरबहादुर देउवा प्यानलकी उम्मेदवार हुने भने पन्त शेखर कोइराला प्यानलबाट चुनाव लडेकी थिइन्।
कांग्रेस सहमहामन्त्रीमा आठ जना निर्वाचित हुने व्यवस्था छ।
मुस्लिम, मधेसी, पिछडिएको क्षेत्र, थारू, खस–आर्यको मतगणना भोलि हुने निर्वाचन समितिले जनाएको छ। कांग्रेस पदाधिकारीमा अहिलेसम्म सभापति, उपसभापति र महामन्त्रीको परिणाम आइसकेको छ।
