शुक्रबार, कार्तिक १३ २०८३
शुक्रबार, कार्तिक १३ २०८३
काठमाडौं । नेकपा (एमाले)का अध्यक्ष केपी शर्मा ओलीले केन्द्रीय कमिटी बैठकले चयन गरेका नाम उत्कृष्ट रहेकाले सबैले स्विकार्नु पर्ने बताएका छन् ।
आफुले मनोनित गरेका नाम उत्कृष्ट प्रक्रियाबाट चयन गरेकाले यो भन्दा ठुलो लोकतान्त्रिक प्रक्रिया नहुने बताएका हुन् । केन्द्रीय कमिटीको दोस्रो दिनको बैठकलाई सम्बोधन गर्दैै अध्यक्ष ओलीले नेतृत्वमा को आयो को आउन पाएन भन्दा पनि पार्टी एकतालाई मूल मन्त्र मानेर अगाडि बढ्न नेताहरुलाई निर्देशन दिए ।
ओलीले भने, “हाम्रो बीचको एकताले मात्र सबै कुरा जित्न सकिन्छ, एकताको मन्त्रमा ध्यान दिएर अगाडि बढ्नुपर्छ कसैलाई जिम्मेवारी पुगेन भनेपछि उचित जिम्मेवारी दिनेछौँ ।”
केन्द्रीय कमिटी नेतृत्व व्यवस्थापन र जिम्मेवारी दिने कुरा सरल होइन गाह्रो कुरा हो भन्दै उनले केन्द्रीय कमिटीका लागि मात्रै आफूलाई ९०० जनाको नाम आएको बताए ।
पोलिटब्यूरोका लागि पनि ५० प्रतिशतभन्दा बढी योग्य व्यक्ति हुँदाहुँदै पनि उत्कृष्ट मध्येको उत्कृष्ठ छान्ने गाह्रो भएकाले कोही कोही छुटेको हुन सक्ने बताए ।
लोकतान्त्रिक विधिमा निर्वाचन पद्धति भन्दा नेतृत्वले गरेको निर्णय सबभन्दा बढी विश्वासिलो र लोकतान्त्रिक हुने ओलीको भनाई थियो ।
बैठकको निर्णयलाई स्विकार्न निर्देशन दिदै ओलीले कतिपयलाई अन्याय प¥यो होला तर योभन्दा राम्रो प्रस्ताव अरु हुन नसक्ने बताए ।
