शनिबार, कार्तिक १४ २०८३
शनिबार, कार्तिक १४ २०८३
काठमाडौं । विराटनगरमा परिचय नखुलेका एक युवकको शव फेला परेको छ ।
विराटनगर महानगरपालिका १६ स्थित दरैया मुसहरी वस्ती नजिक खदम खोला किनारमा करिब २५ / २६ वर्षका देखिने युवकको शव फेला परेको प्रहरीले जनाएको छ ।
शवको परिचय नखुलेकाले आफन्तलाई सम्पर्क गर्न प्रहरीले अनुरोध गरेको छ । प्रहरीले मृतक युवकको हुलिया समेत उल्लेख गरेको छ ।
कालो रंगको टिसर्ट र कालै रंगको ट्राउजर, गोरो अनुहार, पाँच फिट चार इन्च उचाइ, कालो कपाल, घाटीमा गणेशको टाउको भएको खैरो रंगको माला र बायाँ कानमा पहेँलो धातुको कुन्डल लगाएका व्यक्तिको शव भेटिएको प्रहरीले जनाएको छ ।
शव पोष्टमार्टमका लागि कोशी अस्पताल विराटनगरको शव गृहमा राखिएको छ ।
