शनिबार, कार्तिक १४ २०८३
शनिबार, कार्तिक १४ २०८३
काठमाडौं । बागमती प्रदेशले आज तेस्रो नयाँ मुख्य मन्त्री पाउने भएको छ । ५ वर्षे अवधीमा तेस्रो पटक बागमतीको सरकार परिवतर्न हुन लागेको हो ।
मुख्यमन्त्रीमा एकीकृत समाजवादीका राजेन्द्र पाण्डेको दाबी पेश भएसँगै प्रदेश प्रमुख यादवचन्द्र शर्माले पाण्डेलाई आज दिउसो मुख्य मन्त्रीका रुपमा सपथ खुवाउने तयारी भएको छ ।
प्रदेश प्रमुख सचिवालयका अनुसार पाण्डेलाई अपरान्ह ३ बजे सपथ खुवाउने तयारी गरिएको छ ।
गठबन्धनका तर्फबाट ५९ जना सांसदको समर्थनसहित पाण्डेले प्रदेश प्रमुख यादवचन्द्र शर्मा समक्ष दाबी पेश गरिसकेका छन् ।
शर्माले आज दिउँसो ३ बजेसम्म दुई वा दुईभन्दा बढी दलको समर्थनमा मुख्यमन्त्री दाबी पेश गर्न प्रदेशसभा सदस्यलाई आह्वान गरेका छन् । सोही बमोजिम पाण्डेले हिजै दाबी पेश गरिसकेका छन् । ११० सदस्यीय प्रदेशसभामा बहुमतका लागि ५६ जना सांसद चाहिनेमा गठबन्धनले ५९ जना सांसदको हस्ताक्षर बुझाएको हो ।
गठबन्धनमा माओवादी केन्द्रका २३, कांग्रेसको २२, एकीकृत समाजवादीका १३ र जसपाका एक जना प्रदेश सांसद छन्।
मुख्यमन्त्री अष्टलक्ष्मी शाक्य अल्पमतमा परेपछि निकासकालागि भन्दै उनले हिजै राजिनामा बुझाइसकेकी छन् ।
