बिहिबार, साउन १४ २०८३
बिहिबार, साउन १४ २०८३
काठमाडौं । माल्दिभ्समा आयोजना भएको साफ च्याम्पियनसिप फुटबलमा उपविजेता बनेको नेपाली राष्ट्रिय फुटबल टिम आज स्वदेश फर्किएको छ ।
नेपाली टिम बिहान सवा ९ बजेतिर काठमाडौं ओर्लिएको हो ।
नेपाली टोलीलाई खेलकुद मन्त्री महेश्वर गहतराज तथा अखिल नेपाल फुटबल संघ ९एन्फा० का पदाधिकारी लगायतले स्वागत गरेका छन् । यस्तै त्रिभुवन अन्र्तराष्ट्रिय विमानस्थलमा फुटबल समर्थकहरुको समेत बाक्लो उपस्थिति रहेको थियो ।
मालेमा शनिबार राति भएको फाइनलमा नेपाल भारतसँग ३- ० ले पराजित भएको थियो ।
फाइनलमा पराजित भएपछि नेपाल ऐतिहासिक उपाधि जित्नबाट बन्चित भएको थियो । तर, नेपाली टोली पहिलो पटक साफको उपविजेता बनेर घर फर्किएको हो ।
पाँच राष्ट्र सहभागी प्रतियोगितामा नेपाल लिग चरणमा उपविजेता बन्दै फाइनल पुगेको थियो । भारतले भने राउण्ड रोबिन लिगको शीर्ष स्थानमा रहदै फाइनल खेलेको हो ।
लिग चरणमा नेपालले माल्दिभ्स र श्रीलंकालाई हराएको थियो । यस्तै भारतसँग पराजित भएको नेपालले बंगलादेशसँग बराबरी खेलेको थियो ।
