सुनका विभिन्न गहना चोरी    

काठमाडौँ l तारकेश्वर नगरपालिका–६ धर्मस्थली ढकालटार बस्ने ५५ वर्षीय ईश्वर प्रसाद श्रेष्ठको घरबाट करिब ६ लाख ९२ हजार ५ सय रुपैयाँ बराबरको विभिन्न सुनका गहना बिहीबार दिउँसो चोरी भएको छ । 

उनको घरमा कोही नभएको अवस्थामा अपरिचित ब्यक्तिहरुले ढोकाको ताल्चा फुटाएर घरभित्र रहेको सुनका विभिन्न गहना चोरी गरी फरार भएको भन्ने खबर प्राप्त हुनासाथ महानगरीय प्रहरी वृत्त बालाजुबाट खटिएको प्रहरीले चोरीमा संलग्न हाल फरार व्यक्तिहरुको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।