बिहिबार, साउन १४ २०८३
बिहिबार, साउन १४ २०८३
काठमाडौं – चौंथो संस्करणको एभरेष्ट प्रिमियर लिग (ईपीएल) टी- ट्वान्टी क्रिकेट अन्तर्गत भैरहवा ग्लाडीयटर्स र काठमाडौं किङ्स-११ बीचको खेल स्थगित भएको छ । टियु क्रिकेट मैदान वर्षाले भिजेको कारण खेल गराउन नसकिने भएपछि भैरहवा र काठमाडौंबीचको खेल स्थगित गरिएको हो ।
शनिबार बिहान परेको वर्षाको कारण मैदानको आउटफिल्ड खेलका लागि योग्य नहुँदा अम्पायरले खेल स्थगित गरेको हो । भैरहवा र काठमाडौंबीचको खेल टस समेत नभई स्थगित भएको हो । भैरहवा र काठमाडौंबीचको खेल बिहान ९स्३० बजे सुरु हुने तालिका थियो ।
यो खेल अर्को मितिमा हुनेछ। भैरहवाले ३ खेलमा ४ अंक जोडेको छ । भैरहवा अंक तालिकाको दोस्रो स्थानमा रहेको छ ।
काठमाडौं २ खेलमा २ अंक जोडेर पाँचौं स्थानमा रहेको छ ।
