बिहिबार, साउन १४ २०८३
बिहिबार, साउन १४ २०८३
१३ औँ संस्करणको साफ च्याम्पियनशिप फुटबल आगामी असोज दोस्रो साताबाट माल्दिभ्समा हुने भएको छ । दक्षिण एसियाली फुटबल महासङ्घ (साफ) को बैठकले अक्टोबर १ देखि १३ तारिख सम्म हुने निर्णय गरेको हो ।
एन्फा महासचिव इन्द्रमान तुलाधरले नेपालमा कोभिड १९ को महामारी कायमै रहेकाले नेपालले प्रस्ताब गरेपनि माल्दिभ्समा गर्ने निर्णय गरेको जानकारी दिनुभयो ।
प्रतियोगिताको जिम्मा पाएको बङ्गलादेशले कोभिड १९ सङ्क्रमणको कारण देखाउँदै साफ आयोजना गर्न नसक्ने जानकारी गराएपछि नयाँ आयोजकमा नेपाल र माल्दिभ्सले प्रस्ताव पेस गरेको थियो ।
१३ औँ साफमा नेपाल, भारत, बङ्गलादेश, माल्दिभ्स र श्रीलङ्काले खेल्ने पक्का भइसकेको छ । भुटानले भने अझै निर्णय गर्न सकेको छैन ।
