शनिबार, कार्तिक १४ २०८३
शनिबार, कार्तिक १४ २०८३
काठमाडौं । सहिद स्मारक ‘सी’ डिभिजन लिग फुटबलको समूह चरणको खेलहरु सकिएको छ ।
एन्फा कम्प्लेक्स सातदोबाटोमा सोमबार दुई खेल भएसँगै समूह चरणको खेल सकिएको हो ।
समूह चरणको खेल सकिएपछि लिगको सुपर सिक्समा पुग्ने टिमको समेत टुंगो लागेको छ ।
दुई समूहबाट ३-३ टिमले सुपर सिक्समा स्थान बनाएका छन् ।
समूह ‘ए’ बाट विरगंज युथ एकेडेमी, झापा फुटबल क्लब र खालीबारी युथ क्लबले सुपर सिक्समा स्थान बनाएका छन् ।
यस्तै समूह ‘बी’ बाट चर्च ब्वाइज, सामाजिक युवा क्लब र विरगंज युनाईटेड क्लबले सुपर सिक्समा स्थान बनाएका छन् ।
अब सुपर सिक्सको टिमले एक अर्काविरुद्ध ३/३ खेल खेल्ने छन् । सुपर सिक्सको शीर्ष ३ टोली ‘बी’ डिभिजनमा बढुवा हुनेछ ।
सुपर सिक्सको खेलहरु बिहीबारबाट सुरु हुनेछ ।
समूहको पुछारमा रहेको दुई टिमले प्ले अफ खेल खेल्नेछ । प्ले अफमा सानोगौचरण युथ क्लब र सानेपा क्लबले खेल्ने छन् ।
यस प्ले अफमा पराजित हुने टिम रेलिगेसनमा पर्नेछ ।
