सोमबार, कार्तिक १६ २०८३
सोमबार, कार्तिक १६ २०८३
मंगलबार, असार ९ २०८३
काठमाडौं । नेकपा एमालेले समसामयिक राजनीतिक घटनाक्रम तथा पार्टी उपाध्यक्ष विष्णु पौडेलको पक्राउपछि विकसित परिस्थितिबारे छलफल गर्न संसदीय दल र केन्द्रीय सचिवालय बैठक बोलाएको छ।
पार्टीका अनुसार आज दिउँसो २ बजे ललितपुरको च्यासलस्थित केन्द्रीय कार्यालयमा संसदीय दलको बैठक बस्नेछ। त्यस्तै, साँझ ६ बजे अध्यक्ष तथा प्रधानमन्त्री केपी शर्मा ओलीको भक्तपुरस्थित गुण्डु निवासमा केन्द्रीय सचिवालय बैठक आह्वान गरिएको छ।
बैठकमा पछिल्ला राजनीतिक घटनाक्रम, सरकारको गतिविधि, संसद्को अवस्था तथा उपाध्यक्ष पौडेल पक्राउ प्रकरणपछि पार्टीले अवलम्बन गर्ने रणनीतिबारे विस्तृत छलफल हुने जनाइएको छ।
सम्पत्ति शुद्धीकरणसम्बन्धी अनुसन्धानका क्रममा पौडेल पक्राउ परेपछि एमालेले यस विषयलाई गम्भीर रूपमा लिएको छ। पार्टी नेतृत्वले कानुनी, राजनीतिक तथा संगठनात्मक पक्षबारे साझा धारणा तय गर्न बैठकमार्फत आवश्यक निर्णय गर्ने अपेक्षा गरिएको छ।
एमालेभित्र पछिल्लो घटनाक्रमले सिर्जना गरेको राजनीतिक प्रभाव र त्यसको सामना गर्न अपनाइने रणनीतिका विषयमा पनि दुवै बैठक केन्द्रित रहने बताइएको छ।
