मंगलबार, कार्तिक १० २०८३
मंगलबार, कार्तिक १० २०८३
बुधबार, जेष्ठ १३ २०८३
दोस्रो गण्डकी तारा भव्य रूपमा सम्पन्न भएको छ। गण्डकी प्रदेशका विभिन्न जिल्लाबाट सहभागी भएका प्रतिभाहरूले आफ्नो गायन कला प्रस्तुत गर्दै दर्शकको मन जितेका थिए।
प्रतियोगितामा लोक, आधुनिक तथा पप गीतमार्फत प्रतिस्पर्धीहरूले उत्कृष्ट प्रस्तुति दिएका थिए।
प्रतियोगिताको फाइनल चरण पोखरामा आयोजना गरिएको थियो। कार्यक्रममा कला तथा संगीत क्षेत्रका व्यक्तित्व, स्थानीय जनप्रतिनिधि तथा ठूलो संख्यामा दर्शकहरूको उपस्थिति रहेको आयोजकले जनाएको छ।
निर्णायकहरूले स्वर, प्रस्तुति शैली, ताल तथा दर्शक आकर्षणका आधारमा प्रतिस्पर्धीहरूको मूल्याङ्कन गरेका थिए।
यस वर्षको उपाधि स्याङ्जाका प्रतिभाशाली गायकले जित्न सफल भएका छन् भने दोस्रो र तेस्रो स्थानमा क्रमशः कास्की र बागलुङका प्रतिस्पर्धी परेका छन्। विजेतालाई नगद पुरस्कार, ट्रफी तथा प्रमाणपत्र प्रदान गरिएको थियो।
आयोजक संस्थाका अनुसार प्रतियोगिताले गण्डकी प्रदेशभित्र रहेका नयाँ सांगीतिक प्रतिभालाई राष्ट्रिय स्तरसम्म पुर्याउने उद्देश्य राखेको छ। कार्यक्रममा स्थानीय कलाकारहरूको विशेष सांगीतिक प्रस्तुति समेत रहेको थियो।
गायिका बत्तीकुमारी थापाले दोस्रो गण्डकी लोकतारा २०८२ को उपाधि जितेकी छन् ।
राष्ट्रिय लोक तथा दोहोरी गीत प्रतिष्ठान नेपाल गण्डकीले आयोजना गरेको प्रतियोगितामा बत्तीले १० प्रतिस्पर्धीलाई उछिनेर उपाधि जितेकी हुन् ।
विजेता बत्तीले नगद ५५ हजार ५ सय ५५ नगद ट्रफी मेडल, प्रमाणपत्र पाएकी छिन् । उनले सर्जक रमेश बिजीको लय तथा शब्दमा अडियो गीत रेकर्डिङ गर्ने अवसर निशुल्क प्राप्त गर्ने छिन् ।
प्रतियोगितामा लमजुङका युगेश परियार द्वितीय, बागलुङकी ललिता घर्तीमगर तृतीय र कास्कीका कास्कीका समिर पुनले सान्त्वना पुरस्कार जितेको प्रतिष्ठान नेपाल गण्डकीका अध्यक्ष माया गुरुङले जानकारी दिइन् ।
लोकतारामा द्वितीय हुनेले ३३ हजार ३ सय ३३ नगद पुरस्कार सहित ट्रफी, मेडल, प्रमाणपत्रका साथमा अडियो गीत निशुल्क रेकर्डिङको अवसर पाउने छन् ।
लोकतारामा तृतीय हुनेले २२ हजार २ सय २२ नगद पुरस्कार सहित ट्रफि, मेडल, प्रमाणपत्र तथा सान्त्वना स्थान हासिल गर्नेले ११ हजार १ सय ११ नगद सहित ट्रफी, मेडल, प्रमाणपत्र प्राप्त गरेका छन् ।
प्रतोयोगितामा प्रथम, द्वितीय र तृतीय हुनेलाई निशुल्क रुपमा ३ महिनासम्म संगीत प्रशिक्षणको व्यवस्था गरिएको छ ।
लोकतारामा सहभागी सबै कलाकारलाई जनही ५ हजार नगद पुरस्कारको व्यवस्था गरिएको छ । ग्राण्ड फिनालेको निर्णायकहरुमा राष्ट्रिय लोक तथा दोहोरीगीत प्रतिष्ठान नेपालका केन्द्रीय अध्यक्ष रिता थापामगर, संगीतकार सुरेश अधिकारी, लोकदोहोरी गायक राजु परियार र पशुपति शर्मा थिए ।
