बुधबार, कार्तिक १८ २०८३
बुधबार, कार्तिक १८ २०८३
सोमबार, चैत्र ३० २०८२
काठमाडाै । हाल नेपालमा पश्चिमी वायु र स्थानीय वायुको आंशिक प्रभाव कायम रहेको छ। यसको असर स्वरूप देशका विभिन्न भू-भागमा फरक–फरक मौसम अवस्था देखिएको छ।
हाल कोशी, बागमती र गण्डकी प्रदेशका हिमाली तथा पहाडी क्षेत्रमा सामान्यदेखि आंशिक बदली रहेको छ भने अन्य हिमाली तथा पहाडी भू-भागमा आंशिक बदली छ। तराई क्षेत्रमा भने मौसम प्रायः सफा रहेको मौसम पूर्वानुमान छ।
आज दिउँसो हिमाली भू-भागमा सामान्य बदली रहनेछ भने पहाडी क्षेत्रमा आंशिक बदली र तराई क्षेत्रमा मौसम मुख्यतया सफा रहनेछ। विशेषगरी कोशी प्रदेशका पहाडी तथा हिमाली क्षेत्र र बागमती तथा गण्डकी प्रदेशका हिमाली भू-भागका एक–दुई स्थानमा मेघगर्जन तथा चट्याङ्गसहित हल्का वर्षा वा हिमपात हुने सम्भावना रहेको छ।
राति भने हिमाली क्षेत्रमा आंशिक बदली रहनेछ भने पहाड र तराई क्षेत्रमा मौसम प्रायः सफा रहनेछ। यद्यपि कोशी र गण्डकी प्रदेशका हिमाली भू-भागका केही स्थानमा मेघगर्जनसहित हल्का वर्षा वा हिमपात हुन सक्ने अनुमान गरिएको छ।
मौसमविद्हरूले विशेषगरी हिमाली क्षेत्रमा यात्रा गर्ने तथा उच्च पहाडी क्षेत्रमा बसोबास गर्नेहरूलाई सतर्कता अपनाउन सुझाव दिएका छन्।
