शनिबार, कार्तिक २१ २०८३
शनिबार, कार्तिक २१ २०८३
बिहिबार, असोज ३० २०८२
काठमाडौं । नेपाली कांग्रेसको केन्द्रीय समिति बैठक आज (बिहीबार) दिउँसो १ बजे पार्टी केन्द्रीय कार्यालय सानेपामा बस्ने भएको छ । मंगलबारदेखि सुरु भएको बैठक आज पुनः निरन्तरताका साथ बस्न लागेको हो ।
बैठकअघि बिहान कार्यसम्पादन समितिको बैठक बस्ने तयारी गरिएको छ । कार्यसम्पादन समितिको बैठकले आजको केन्द्रीय समिति बैठकका एजेन्डा तय गर्ने पार्टी केन्द्रीय सचिवालयले जनाएको छ ।
कांग्रेस सभापति शेरबहादुर देउवाले कार्यवाहक सभापतिको जिम्मेवारी उपसभापति पूर्णबहादुर खड्कालाई दिएपछि आजको बैठकको अध्यक्षता खड्काले गर्ने छन् ।
यसअघि, बुधबार मात्रै नेता गुरुराज घिमिरेसहितका केन्द्रीय सदस्यहरूले विशेष महाधिवेशनको माग गर्दै हस्ताक्षर बुझाइसकेका थिए । त्यसैले आजको बैठकमा विशेष महाधिवेशनको माग पनि मुख्य एजेन्डा बन्ने अपेक्षा गरिएको छ ।
