शनिबार, कार्तिक १४ २०८३
शनिबार, कार्तिक १४ २०८३
आइतबार, चैत्र १० २०८१
काठमान्डौ। गायक डोरेन्द्र निरौलाको आधुनिक गीत ‘महत्तानै’ सार्बजनिक भएको छ।
म्युजिक नेपालबाट यूट्यूबमा रिलिज भएको यो गीतमा स्वर र शब्द रचना स्वयं निरौलाको रहेको छ भने संगीत डेनी निरौलाको रहेको छ।
हाल कागेश्वोरी मनोहरा नगरपालिका वडा नम्बर ०७ नवदुर्गा टोलमा बसोबास गरिरहेका उनी गृहमन्त्रालयमा उपसचिवमा कार्यरत छन् ।
गायक निरौलाले दर्शक तथा स्रोताहरुको चाहाना अनुसारनै यो गीत तयार पारिएको र यसले सबै उमेर समूहका श्रोताहरुको मन जितिरहेको बताएका छन् ।
इलाममा जन्मिएका गायक निरौलाले यो गीत निर्माण गर्ने क्रममा सहयोग पुर्याउने सबैलाई धन्यवाद प्रकट समेत गरेका छन् ।
निरौलाले यस अघि बजारमा आएको मनिष प्रसाईको स्वर रहेको आधुनिक गित ‘झरी छुटयो’ मा शब्द रचना गरेका थिए ।
योसंगै निरौलाका पछिल्लो रचना समेत गरेर अहिलेसम्म तीनवटा रचनाहरु बजारमा आएका छन्।
गायक निरौलाले आफुले सधैं पहिला आफ्नो पेशाप्रति इमानदार रहि काम गरिरहेको र फुर्सदको समयमा गित संगीतको क्षेत्रमा पनि योगदान पुर्याउने चाहाना व्यक्त गरेका छन् ।
