शुक्रबार, कार्तिक १३ २०८३
शुक्रबार, कार्तिक १३ २०८३
सोमबार, मंसिर १७ २०८१
काठमाडौं । नेपाल प्रिमियर लिग (एनपीएल)को तेस्रो खेलमा कर्णाली याक्समाथि जनकपुर बोल्ट्सले सहज जित निकालेको छ । कप्तान अनिल शाहको अर्धशतकसँगै जनकपुरले दोस्रो जित निकालेको छ ।
नेपाल प्रिमियर लिग ९एनपिएल० को तेस्रो खेलमा कर्णाली याक्सविरुद्द जनकपुर बोल्ट्सका कप्तान शाहले कप्तानी पारी खेले ।
अनिलको अविजित ६२ रनको मद्दतमा जनकपुरले कर्णाली याक्सले दिएको १४२ रनको लक्ष्य १५।१ ओभरमै २ विकेट गुमाएर पूरा गर्यो।
ओपनर अनिलले ४२ बल खेल्दै ६ चौका र ३ छक्का प्रहार गरे ।
अनिलले आसिफ शेखसँग पहिलो विकेटका लागि ८४ रनको साझेदारी गर्दै जितको आधार तयार गरे । आसिफले २९ बल खेल्दै २ चौका र २ छक्का मदतमा ३६ रन जोडे ।
दोस्रो विकेटका लागि अनिल र लाहिरु मिलान्थाले ३३ रनको साझेदारी खेले । जिमी निशम १६ रनमा अविजित रहे ।
बलिङमा कर्णालीका मौसम ढकाल र जिशन मक्सुदले एकएक विकेट लिए ।
