६७औं संस्करणको ग्रामी अवार्डको नोमिनेशनमा बियोन्से सार्वधिक विधामा

एजेन्सी । प्रतिष्ठित अवार्ड ग्रामीका लागि २०२५ को नोमिनेशन सार्वजनिक गरिएको छ । रेकर्डिङ एकेडेमीले सार्वजनिक गरेको नोमिनेशनमा पपस्टार बियोन्से ११ मनोनयनका साथ शीर्ष स्थानमा रहेकी छिन्। अवार्डका लागि वियोन्सेका साथ बिली एलिश, सबरिना कार्पेन्टर, टेलर स्विफ्टजस्ता चिरपरिचित हस्ती नोमिनेशनमा परेका छन्।

वियोन्सेलाई एल्बम अफ द इयर, सङ अफ द इयरका साथ बेस्ट कन्ट्री एल्बमलगायत विधामा मनोनयन गरिएको छ । यो अवार्ड शो आगामी २०२५ को २ फ्रेबुवरीमा लस एञ्जलसस्थित क्रिप्टो डान्ट कान्म एरिनामा हुनेछ । यसपालिको ग्रामी अवार्डमा भारतीय संगीतकार रिकी केज पनि मनोनयमा परेका छन्। रिकीले तीन पटकसम्म ग्रामी अवार्ड चुमेका छन् ।

ग्रामीका लागि रेकर्ड अफ द इयर विधामा बिटल्सको नाउ एण्ड देन, बेयान्सेको टेक्सास होल्ड एम, बिली इलिशको बर्ड्स अफ ए फेदर, चैपल रोनको गुड लक वेब, चार्ली एक्ससीएक्सको ३६०,केन्ड्रिक लैमरको नाँट लाइक एस, सबरिना कारपेन्टरको एस्प्रेसो र टेलर स्विफ्ट फिचरिङ पोस्ट मेलोनको फोर्टनाइट मनोनयमा छन् ।

त्यसैगरी एल्बम अफ द इयर विधामा आन्द्रे ३००० को न्यू ब्लू सन, बेयान्सेको काउबाँय कार्टर, बिली इलिशको हिट मी हार्ड एण्ड सफ्ट, चैपल रोनको द राइज एन्ड फाल अफ द मिडवेस्ट प्रिन्सेस, चार्ली एक्ससीएक्सको ब्रैट, जैकब कोलियरको जेसी भेल्युम, सबरिना कारपेन्टरको सर्ट एण्ड स्विट र टेलर स्विफ्टको द टर्चरड पोएट्स डिपार्टमेन्ट मनोनयमा छन् । यस्तै, सङ अफ द इयर विधामा बेयान्सेको टेक्सास होल्ड एम, बिली इलिशको बर्ड्स अफ ए फेदर, चैपल रोनको गुड लक, बेब, केड्रिक लैमरका नट लाइक अस, लेडी गागा र ब्रुनो मार्सको डाई विद ए स्माइल, सबरिना कारपेन्टरको प्लिज प्लिज प्लिज, शबुजीको ए बार सङ र टेलर स्विफ्टको फोर्टनाई मनोनयमा छन् ।

कन्ट्री र अमेरिकाना विधामा उनको यो पहिलो मनोनयन हो । यदि बियोन्सेले सर्वश्रेष्ठ एल्बम विधामा जित हासिल गरेकी थिइन् भने उनी २१औं शताब्दीमा यो विधा जित्ने पहिलो अश्वेत गायिका हुन्। सन् १९९९मा लाउरिन हिलले ‘द मिसएजुकेसन अफ लाउरेन हिल’का लागि पछिल्लोपटक यो विधा आफ्नो पोल्टामा पारेकी थिइन् ।