शुक्रबार, कार्तिक २७ २०८३
शुक्रबार, कार्तिक २७ २०८३
बिहिबार, जेष्ठ १० २०८१
काठमाडौं । अमेरिकी दूतावासले नेपाली क्रिकेटर सन्दीप लामिछानेलाई भिसा दिन अस्वीकार गरेको छ ।
सन्दीपले अमेरिका र वेस्ट इन्डिजमा हुन लागेको टी–२० विश्वकपमा सहभागी हुन जान अमेरिकाको भिसा एप्लाई गरेका थिए । जसलाई अमेरिकी दूतावासले अस्वीकृत गरेको सन्दीपले सामाजिक सञ्जालमार्फत उल्लेख गरेका छन् ।
यसैबीच लामिछानेलाई विश्वकप खेल्न जानका लागि भिसा नदिएपछि सरकारले पहल थाल्ने भएको छ ।
नेपाल क्रिकेट संघ ९क्यान० ले हिजै खेलकुद परिषद, खेलकुद मन्त्रालय, परराष्ट्र मन्त्रालयदेखि प्रधानमन्त्रीको सचिवालयसम्म सन्दीपको इस्यूबारे अवगत गराएको थियो । सबैले यसलाई गम्भीरतापूर्वक लिएको क्यान स्रोतले बतायो ।
खासगरी खेलकुदमन्त्री विराजभक्त श्रेष्ठ सक्रियतापूर्वक पहलकदमीमा लागेका छन् ।
क्यान सचिव पारस खड्का र सन्दीपसँग उनको आज बिहानैदेखि छलफल भइरहेको छ ।
