बिहिबार, कार्तिक २६ २०८३
बिहिबार, कार्तिक २६ २०८३
बुधबार, बैशाख १२ २०८१
काठमाडौं । दुई दिने नेपाल भ्रमणमा रहेका कतारका राजा अमिर शेख तमिम बिन हमाद अल थानी स्वदेश फर्किएका छन् ।
राष्ट्रपति रामचन्द्र पौडेलेको निमन्त्रणमा मंगलवार नेपाल आएका राजा थानी बुधवार (आज) स्वदेश फर्किएका हुन् ।
नेपालमा दुई दिने भ्रमणका क्रममा दुई देशबीच विभिन्न क्षेत्रमा सहकार्य गर्ने समझदारी भएको छ । दुई दिने राजकीय भ्रमण सकेर स्वदेश फर्किन लागेका उनलाई राष्ट्रपति रामचन्द्र पौडेलले बिदाई गरे ।
राजा थानीलाई बिदाई गर्न राष्ट्रपति पौडेल त्रिभूवन अन्तर्राष्ट्रिय विमानस्थल पुग्नुभएको थियो । उहाँको बिदाई गर्न उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल, सभामुख देवराज घिमिरे लगायत मन्त्रीहरु पनि विमानस्थलमा पुगेका थिए । राजा थानीले नेपालमा रहँदा मंगलवार साँझ राष्ट्रपति रामचन्द्र पौडेल र बुधवार बिहान प्रधानमन्त्री पुष्पकमल दाहालसँग छुट्टाछुट्टै भेटवार्ता गरेका थिए ।
