शनिबार, कार्तिक २१ २०८३
शनिबार, कार्तिक २१ २०८३
काठमाडौं। काठमाडौँ महानगरपालिकाका प्रमुख बालेन्द्र साह (बालेन)ले आगामी डेढ वर्षभित्र काठमाडौँ महानगर क्षेत्रमा विद्युतका तार ‘अन्डरग्राउन्ड’ हुने बताएका छन् ।
आइतबार महानगर कार्यपालिकाको दोस्रो बैठकमा उठेका प्रश्नहरुको जवाफ दिँदै मेयर साहले डेढ वर्षभित्र तारहरु अन्डरग्राउन्ड हुने बताएका हुन् ।
बालेनसँग वडाध्यक्षहरुले खानेपानी, सडक, टेलिकमसँगका सहकार्य, बाढी, ढल र फोहोर व्यवस्थापन सम्बन्धी जिज्ञासा र सुझाव प्रस्तुत गरेका छन् ।
उनले सडक, विद्युत् र खानेपानीका प्रमुखलाई राखेर आफूले बैठक आयोजना गरेको र सो बैठकमा विद्युत प्राधिकरणबाट यस्तो प्रतिबद्धता आएको जानकारी दिएका छन् ।
हरेक महिनाको पहिलो सोमबार सडक, विद्युत्, खानेपानी लगायतका निकायका प्रमुखसँग बैठक आयोजना गर्ने र त्यसमा एक आपसमा सहकार्यको समीक्षा गरिने उनको भनाइ छ ।
एकीकृत योजनाअनुसार समन्वयात्मक ढंगले अघि बढ्ने साहले बताए ।
