बिहिबार, कार्तिक १२ २०८३
बिहिबार, कार्तिक १२ २०८३
काठमाडौं । साफ अण्डर १९ महिला फुटबल च्याम्पियनसिपको दोस्रो खेलमा नेपालले आज श्रीलंकासँग प्रतिस्पर्धा गर्दैछ । बंगलादेशको ढाकास्थित मुस्तोफा कमल स्टेडियममा नेपालले श्रीलंकाविरुद्ध खेल्न लागेको हो ।
नेपाल र श्रीलंकाबीचको खेल दिउँसो पौने तीन बजे सुरु हुनेछ ।
पहिलो खेलमा नेपालले उपाधि दाबेदार बंगलादेशसँग गोलरहित बराबरी खेलेको थियो।
नेपाल १ खेलमा १ अंक जोडेर अंक तालिकाको चौंथो स्थानमा छ । श्रीलंकालाई हराएर नेपाल उपाधि होड कायम राख्न चाहन्छ । श्रीलंका अंक विहीन छ । श्रीलंकाले २ खेलबाट कुनै पनि अंक जोड्न सकेको छैन ।
श्रीलंका पहिलो खेलमा भुटान र दोस्रो खेलमा भारतसँग पराजित भएको थियो । च्याम्पियनसिपको तेस्रो खेलमा नेपालले भुटानविरुद्ध डिसेम्बर १७ र अन्तिम खेल भारतविरुद्ध डिसेम्बर १९ मा खेल्नेछ।
आयोजक बंगलादेशसहित नेपाल, भुटान, भारत र श्रीलंकाले सहभागिता जनाएका छन् ।
फाइनल खेल डिसेम्बर २१ मा हुनेछ ।
