प्रधानमन्त्री शाह र सुदूरपश्चिमका सांसदबीच छलफल

काठमाडौं । प्रधानमन्त्री वालेन्द्र शाहले सुदूरपश्चिम प्रदेशका सांसदहरूसँग छलफल गरिरहेका छन् ।

प्रधानमन्त्री तथा मन्त्रिपरिषद्को कार्यालयमा मंगलबार बिहान ११ बजेबाट सुरु भएको छलफलमा समसामयिक राजनीतिक विषयमा कुराकानी भइरहेको बताइएको छ।

प्रधानमन्त्रीसँगको भेटमा सांसदहरू ताराप्रसाद जोशी, खेमराज कोइराला, हरिमोहन भण्डारी, जनकसिंह धामी, ज्ञानेन्द्र महता, जगत जोशी, कोमल ज्ञवाली र केपी खनाल सहभागी छन् ।

छलफलमा सुदूरपश्चिम प्रदेशसँग सम्बन्धित समसामयिक विषय तथा राजनीतिक परिस्थितिबारे समेत विचार–विमर्श हुने बताइएको छ।