नागरिक लगानी कोष र आईएमईबीच सम्झौंता

काठमाडौं । नागरिक लगानी कोष र आईएमई लिमिटेडबीच सेयर प्रत्याभूति सम्झौता भएको छ । सम्झौतामा कोषका कार्यकारी निर्देशक पर्वतकुमार कार्की र आईएमईका प्रमुख कार्यकारी अधिकृत दिवाकर पौडेलले हस्ताक्षर गरेका छन्।

आईएमईले प्रतिसेयर एक सय रुपैयाँका दरले १२ लाख ५० हजार छ सय ६७ कित्ता बापत १२ करोड ५० लाख ६६ हजार सात सय रुपैयाँ बराबर सेयर निष्कासन गर्ने सम्बन्धमा कोषसँग प्रत्याभूति सम्झौता गरेको हो । सम्झौता अवधि हस्ताक्षर भएको मितिले छ महिनासम्म रहने छ।