शुक्रबार, कार्तिक १३ २०८३
शुक्रबार, कार्तिक १३ २०८३
सोमबार, असोज २१ २०८१
काठमाडौं । असोज १० देखि १२, २०८१ सम्म नेपालका विभिन्न क्षेत्रमा आएको विनाशकारी बाढी, पहिरो र व्यापक डुबानका कारण मेटलाइफ नेपालले प्रभावित समुदायहरूका लागि प्रधानमन्त्री दैवी प्रकोप उद्धार कोषमा २५ लाख रुपैयाँ सहयोग गरेको छ । भारी वर्षाले देशभरि ठूलो क्षति पुर्याएको छ, धेरै परिवारहरू विस्थापित भएका छन् र तत्काल प्रभावित क्षेत्रहरुमा सहायताको आवश्यकता छ।
यो योगदानले देशको बृहत् पुनःस्थापना प्रयासहरूलाई सहयोग गर्दै बाढी र पहिरोबाट प्रभावितहरूको तत्काल आवश्यकतालाई सम्बोधन गर्ने लक्ष्य राखेको छ । वाग्मती र नख्खु नदीले घेरिएको काठमाडौं नजिकका क्षेत्र लगायत नेपालका पूर्वी र दक्षिणपूर्वी क्षेत्रहरू सबैभन्दा बढी प्रभावित भएका छन्, जसमा दुई सय भन्दा बढीको मृत्यु भएको छ, एक सय ५८ घाइते भएका छन् र २८ जना बेपत्ता भएका छन् । राजमार्गहरू, जलविद्युत स्टेशनहरू, र सडकहरू सहित प्रमुख पूर्वाधारहरूमा विनाशहरू भएका थिए, जसका कारण १३ हजार भन्दा बढी मानिसहरूलाई उद्धारको आवश्यकता परेको थियो।
मेटलाइफ नेपालका महाप्रबन्धक, निर्मल काजी श्रेष्ठले भनेः ‘अहिले हाम्रो ध्यान यस विपद् पछि संघर्ष गरिरहेका मानिसहरूलाई मद्दत गर्ने कुरामा छ । हामी आशा गर्छौं कि राहत कोषमा हाम्रो योगदानले जसलाई यसको सबैभन्दा बढी आवश्यकता छ उनीहरूलाई केही सान्त्वना र समर्थन गर्दै राहत र पुनःस्थापना प्रक्रियामा मद्दत गर्नेछ।’
