१३ अंकले बढ्यो नेप्से

साताको अन्तिम कारोबार दिन आज बिहिबार पनि नेप्से बढेको छ । नेप्से आज १३ दशमलव ५१ अंकले बढेर दुई हजार ३० दशमलव ५५ अंकमा पुगेकोमा सेन्सिटिभ इन्डेक्स पनि एक दशमलव ९० अंकले बढेर तीन सय ६० दशमलव २७ अंकमा चढेको छ । तीन सय नौं वटा कम्पनीहरुको ४७ हजार छ सय ९९ पटकको कारोबारमा ८९ लाख २९ हजार एक सय ५२ कित्ता सेयर किनबेच हुँदा आज कुल कारोबार रकम तीन अर्ब १९ करोड ९२ लाख पाँच हजार आठ सय २० रुपैंयाँ पुगेको छ ।

नेप्सेमा आज १३ वटा समुहहरुको सेयर हुँदा होटल तथा पर्यटन, सामुहिक लगानी कोष र ट्रेडिङ्ग समुहको सुचक घटेका छन् भने बाँणिज्य बैंक समुहको सुचक बढेका छन् । सो मध्ये बाँणिज्य बैंक समुहको सुचक पाँच दशमलव ९६ अंकले बढेर एक हजार ८८ दशमलव ३४ अंकमा पुगेको छ भने जलबिद्युत समुहको सुचक पनि २९ दशमलव २२ अंकले बढेर २५ सय ७० दशमलव ५८ अंकमा पुगेको छ । जीवन बीमा समुहको सुचक पनि ३७ दशमलव ४७ अंकले बढेर एक हजार ५८ दशमलव १६ अंकमा पुगेको छ भने निर्जीवन बीमा समुहको सुचक पनि एक सय ६३ दशमलव १८ अंकले बढेर १० हजार पाँच सय ९३ दशमलव १६ अंकमा पुगेको छ । यसैगरी बिकास बैंक, फाईनान्स, लगानी, उत्पादनमुलक, लघुवित्त र अन्य समुहको सुचक पनि बढेका छन् ।

नेप्सेमा आज बढी कमाउने कम्पनीहरुको सुचीमा पहिलो स्थानमा पिपुल्स हाईड्रो पावर कम्पनी परेको छ भने बढी गुमाउने कम्पनीहरुको सुचीमा पहिलो स्थानमा एनआईसी एशिया ग्रोथ फण्ड २ परेको छ । यसैगरी बढी रकम कारोबार गर्ने कम्पनीह्रुको सुचीमा भने नेपाल पुर्नबीमा कम्पनीको संस्थापक सेयर परेको छ ।