आइतबार, कार्तिक २२ २०८३
आइतबार, कार्तिक २२ २०८३
आइतबार, असोज २८ २०८०
काठमडौं । एक चिर्कटोमा प्रधानमन्त्री प्रचण्डसहित सत्ता गठबन्धनका तीन नेताले गरेको तमसुकलाई लिएर एमाले केन्द्रीय सदस्य तथा प्रचार विभागका उपप्रमुख विष्णु रिजालले ‘चन्द्र शमशेरले देव शमशेरको कोटको धूलो झारेकाे’ प्रसंग सम्झाएका छन्
कोशी प्रदेशमा देखिएको विद्रोहले केन्द्रमा प्रधानमन्त्रीको कुर्सी धर्मराएपछि प्रधानमन्त्री पुष्पकमल दाहालसहित नेपाली कांग्रेस सभापति शेरबहादुर देउवा र नेता शेखर कोइरालाले डायरीको एउटा चिर्कटोमा हालकाे सत्ता जोगाउन, गठबन्धन बचाउन कबुलियत लिएर उनकाे साे प्रसंग काेट्याएका हुन् ।
गठबन्धनको निर्णय विरुद्ध शेखर पक्षका केदार कार्की एमालेको समर्थनमा कोशीको मुख्यमन्त्री बनेसँगै केन्द्रमा गठबन्धनका नेताहरु प्रचण्ड र देउवा तिर्मिराएका थिए । र उनीहरुले कांग्रेस नेता कोइरालालाई एक चिर्कटोमा कबुलियतसमेत गराए ।
हतार हतार गरिएको सो चिर्कटो कबुलियतलाई लिएर एमाले नेता रिजालले श्री ३ देव शमशेर आफ्नै भाइ चन्द्र शमशेरबाट अपदस्थ हुनुभन्दा केही घण्टा अगाडि भाइ चन्द्र शमशेरले दाजु देव शमशेरको कोटको धुलो टक्टक्याएको इतिहासको एक घटनासँग तुलना गरेका छन् ।
नत्र राजकाज चलाउन एउटा व्यक्तिको चिर्कटोमा सही चाहिन्छ र ? भन्दै रिजालले सामाजिक सञ्जाल फेसबुकबाट प्रश्न समेत गरेका छन् ।
कम्तीमा दशैँ–तिहार ढुक्कले मनाउनकै लागि डायरीको चिर्कटोमा यो खालको कपाली तमसुक गरेको हुनसक्ने रिजालले बताएका छन् ।
हेर्नुहोस् सामाजिक सञ्जालमा नेता रिजालकाे भनाइ जस्तो तस्तै
