बुधबार, साउन १३ २०८३
बुधबार, साउन १३ २०८३
काठमाडौं फागुन, ६–
प्रधानमन्त्री समेत रहेका एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहाल प्रचण्ड पार्टी एकता र मन्त्रिपरिषद् बिस्तारमा सहमति जुटाउने भन्दै निर्णायक छलफलमा जुटेका छन् ।
भक्तपुरको पुरानो ठिमीस्थित दुर्गा प्रसाईंको घरमा दुई नेता निर्णायक वार्तामा बसेका हुन् । दुर्गा प्रसाईं मेडिकल कलेज सन्चालक हुन् ।
अध्यक्ष प्रचण्ड निकट व्यवसायी मानिने प्रसाईं झापाको विर्तामोडस्थित बी एण्ड सी मेडिकल कलेजका सन्चालक सञ्चालक हुन् । उनी वर्षमान पुनका निकट मानिन्छन् । उनको बी एण्ड सी कलेज सम्बन्धनको पर्खाइमा रहेको छ । यसअघि ओली र प्रचण्डबीचको वार्ता माओवादी निकट निर्माण व्यवसायी शारदाप्रसाद अधिकारीको मानभवनस्थित निवासमा हुने गरेका थिए ।
प्रचण्ड निकट एक माओवादी नेताका अनुसार पार्किङलगायतका सुबिधाका कारण बार्तास्थल प्रसाईं निवास रोजिएको हो । दुई नेतावीच शनिवार ओली निवास बालकोटमै वार्ता भएको थियो । आजै शीर्ष तहको बार्तालगत्तै पार्टी एकता संयोजन समितिको बैठक बस्ने जनाईएको छ ।
