बुधबार, साउन १३ २०८३
बुधबार, साउन १३ २०८३
काठमाडौं माघ, ३–
बिहान मन्त्रीहरुबीचको विवादल स्थगित मन्त्रिपरिषद् बैठक सुरु भएको छ । प्रदेश प्रमुख नियुक्ति र प्रदेशको अस्थायी मुकाम तोक्न बालुवाटारमा मन्त्रिपरिषद सुरु भएको हो । बिहान बसेको बैठकमा सहमति नजुटेपछि आजै दोस्रो पटकलाई बैठक आह्वान गरिएको थियो । बिहानको बैठकमा मन्त्रिहरुबीच आ–आफ्नै जिल्लामा अस्थायी मुकाम तोक्नुपर्ने अडान राखेपछि सहमति जुटाउन भन्दै प्रधानमन्त्री देउवाले ५ घण्टाका लागि बैठक स्थगित गरेका थिए ।
३ बजे बस्ने भनिएको दोस्रो बैठक निर्धारित समय भन्दा झण्डै ५० मिनेटपछि मात्रै सुरु भएको छ । कानुन मन्त्री यज्ञ बहादुर थापाका अनुसार पहिलो बैठकमा प्रदेश प्रमुखबारे विषय प्रवेश नै नभएपनि दोस्रो बैठकमा प्रदेश प्रमुख र अस्थायी राजधानी तोकिने तयारी रहेको छ । उनले प्रदेशको अस्थायी राजधानीको साटो प्रदेश कार्यसञ्चालन स्थान भनेर तोकिने जानकारी समेत गराए ।
