बुधबार, साउन १३ २०८३
बुधबार, साउन १३ २०८३
दोहा, कतार माघ, २–
गत जनवरी १२, २०१८ शुक्रवारका दिन कतारको अलिसान रेष्टुरेण्टमा सम्पन्न नेपाली व्यवसायीहरुको भेलाले नेपाल कतार व्यवसायी संघ कतारको स्थापना गरि अध्यक्षमा महेन्द्र चौलागाइँ सर्वसहमतिले चैन गरेको छ । यसै गरि डा. देवकाजि डंगोल संरक्षक रहने गरि उपाध्यक्षहरुमा आरके शर्मा, नरेन्द्र भाट, राज रेग्मी, समिर मास्के र गोविन्द के.सी. रहेका छन् भने महासचिव सागर नेपाल सचिव उमेश अधिकारी, सह–सचिव रमेश भट्ट र कोषध्यक्ष चुडामणी कार्की चैन भएका छन् । त्यस्तै, सदस्यहरुमा नविन सत्याल, डा. नितेस अर्याल, स्याम भुसाल, अबदुल वासिद, रवि गुरुङ, राम श्रेष्ठ, बिकाश प्रसाइ, पुर्ण पोखरिया, सुनिल घिमिरे र मधुकर रिजाल चुनिएका छन् ।
नव गठित टोलीले १४ जनवरीका दिन नेपाली राजदूतावासमा राजदूत रमेश प्रशाद कोईरालासँग प्रत्यक्ष भेटघाट गरि संघको बारे जानकारी गराएको थियो । उक्त भेटघाटमा राजदूतले नव गठित व्यवसायीहरुलाई बधाई तथा कार्य सफल्ताको कामना समेत गरेका थिए ।
कतारमा सन २००० देखि विभिन्न व्यापार व्यवसाय गर्दै आएका नेपाली व्यवसायीहरु एक आपसमा समस्य पर्दा आपसि सहयोग गर्ने, नेपाल र कतारको व्यापारिक सम्वन्धलाई सुदृढ गर्ने र नेपालमा कतारि व्यवसायीहरुलाई लगानि गर्नको लागि पहल गर्ने गरेकाले नेपालको आर्थिक विकासमा टेवा पुग्नेमा आफू विश्वस्त रहेको नवनियुक्त अध्यक्ष चौलागाइँले बताए ।
कतारमा करिव एक हजार भन्दा वढी नेपाली व्यवसायीहरु रहेका छन् । करिव चार लाख नेपालीहरु कार्यरत तथा ईन्डियन व्यवसायीहरुको बाहुल्यता रहेको कतारमा नेपाली व्यवसायीहरुको संख्या न्यून रहे पनि तुलनात्मक रुपमा नेपालीहरु शिर उच्च राख्न सफल भएको बताईएको छ ।
