बुधबार, साउन १३ २०८३
बुधबार, साउन १३ २०८३
काठमाडौं पुस, २४–
मूलुककै प्रमुख प्रशासनिक केन्द्रका रुपमा रहेको सिंहदरबार दिनानुदिन असुरक्षित बन्दै गैरहेको छ । पछिल्ला दिनमा सिंहदरबार भित्र सुरक्षा लापरबाही तथा चोरीका घटना निकै बढ्न थालेका छन् । केही समय पहिले सिंहदरबार भित्रैबाट स्थानीय विकास मन्त्रालयको सस्पेन्सन ब्रिज शाखाको हाइलक्स गाडीको चार वटा टायर चोरी भएका थिए । यो घटना सेलाउन पाएको छैन आईतबार राति सिंहदरबारभित्र रहेको क्यान्टिनबाट ४२ हजार रुपैंया चोरी भएको छ । शान्ति तथा पुनर्निमाण मन्त्रालय छेउमा रहेको क्यान्टिनबाट ४२ हजार रुपैयाँ चोरी सिंहदरबार प्रहरीले जनाएको छ ।
प्रहरीका अनुसार विश्वराज सिलवालले सञ्चालन गरेको फाइब स्पाइस क्यान्टिनबाट सो रकम चोरी भएको हो ।
पीडितले महानगरीय प्रहरी वृत्त, अनामनगरमा उजुरी दिएका छन् । यो बिषयमा थप अनुसन्धान सुरु भएको प्रहरीले जनाएको छ ।
कडा सुरक्षा रहने भनिएको सिंहदरबारभित्रै चोरीको घटना हुनु लाजमर्दो भएको प्रहरी अधिकारी स्वयम् बताउँछन् ।
