बुधबार, साउन १३ २०८३
बुधबार, साउन १३ २०८३
काठमाडौं पुस, २४–
सोमबार बिहान राष्ट्रपति भवन शीतल निवास पुगेका प्रधानमन्त्री शेरबहादुर देउवालाई राष्ट्रपति विद्या भण्डारीले प्रदेशको अस्थायी मुकाम तोक्न सुझाव दिएकी छन् । देउवा सरकारले वाम गठबन्धनले सहमति नदिएको र विभिन्न ठाउँमा आन्दोलन भएको कारण देखाउदै अस्थायी मुकाम नतोकी प्रदेश प्रमुखहरु मात्र नियुक्त गर्ने तयारी गरेको थियो ।
प्रधानमन्त्रीका प्रेस सल्लाहकार गोविन्द परियारका अनुसार राष्ट्रपति भण्डारीले जनतालाई सहज हुनेगरी प्रदेशको अस्थायी मुकाम तोक्न सुझाव दिएकी हुन् ।
सरोकारवाला पक्षसँग परामर्श गरेर अस्थायी मुकाम तोकेर अघि बढ्न राम्रो हुने सुझाव दिएको राष्ट्रपति निकट स्रोतले पनि जनाएको छ । सो भेटमा प्रधानमन्त्री देउवाले राष्ट्रियसभा सदस्य निर्वाचनको तयारीबारे पनि राष्ट्रपतिलाई जानकारी गराएका थिए ।
