बुधबार, साउन १३ २०८३
बुधबार, साउन १३ २०८३
काठमाडौं मंसिर, २८–
सावधान ! फेसबुकमा स्टाटसमार्फत कसैलाई गाली गर्दैहुनुहन्छ ? पक्राउ पर्न सकिन्छ । फेसबुकको स्टाटसमार्फत राष्ट्रपति विद्यादेवी भण्डारीलाई गालीगलौज गर्ने एक युवक पक्राउ परेका छन् ।
बन्दिपुर–३, तनहुँका २० वर्षीय विवेक बानियाँ राष्ट्रपतिलाई गाली गरेको आरोपमा पक्राउ परेका हुन् ।
काठमाडौंको कालिमाटीमा बस्दै आएका उनलाई प्रहरीको केन्द्रीय अनुसन्धान ब्यूरो (सीआइबी) ले बिहीबार पक्राउ गरेको हो । उनको बारेमा थप अनुसन्धान भैरहेको प्रहरीले जनाएको छ ।
सामाजिक सञ्जालमा गालीगलौजमा संलग्नलाई विद्युतीय कारोबार ऐन, २०६३ बमोजिम ५ वर्षसम्म कैद वा १ लाख रुपैयाँ जरिवाना वा दुवै सजाय हुन सक्ने व्यवस्था छ ।
