बुधबार, साउन १३ २०८३
बुधबार, साउन १३ २०८३
काठमाडौं मंसिर, २१–
बिहिबार मतदान गरिसकेपछि प्रधानमन्त्री शेरबहादुर देउवाले ऐतिहाँसिक जिम्मेवारी पुरा गरेको बताएका छन् ।कांग्रेस सभापति समेत रहेका प्रधानमन्त्री देउवाले डडेलधुराको गन्यापधुरा वडा नम्बर १ को असिग्राम मावि रुवाखोला केन्द्रबाट मतदान गरेका हुन् ।
मतदान पश्चात सञ्चारकर्मीसँग कुरा गर्दै देउवाले सरकारले आफूले सरकारले चुनाव सार्दैछ भन्नेहरुको मुख बन्द गर्न सफल भएको बताए । उनले भने, ‘चुनाव गरेर ऐतिहासिक जिम्मेवारी पूरा गर्न पाएकोमा खुसी भएको छु,’ देउवाले भने, ‘ओली जीले त भोट हालिसकेपछि पनि चुनाव सर्छ भन्नबेर छैन ।’
देउवाले अघि भने, ‘चुनाव सर्दैछ भन्नेहरुको मुख बन्द हुनुपर्ने हो ।’
उनले निर्वाचनमा कांग्रेसको बहुमत आउने र कांग्रेसकै सरकार बन्ने दावीसमेत गरे । प्रदेश नम्बर ७ मा कांग्रेसको सबैभन्दा राम्रो पकड भएको उनले बताए।
आफू काठमाडौं फर्किनेबित्तिकै सातवटै प्रदेशको प्रमुख र राजधानी पनि तोक्ने देउवाले जानकारी दिए । मतदान रिसकेका देउवा कैलाली हुँदै काठमाडौं फर्कने तयारीमा रहेका छन् ।
