बुधबार, साउन १३ २०८३
बुधबार, साउन १३ २०८३
वीरगञ्ज मंसिर, २०–
बिहिबार सम्पन्न हुने निर्वाचनको मौन अवधि चलिरहेका बेला पैसा बाँडेको आरोपमा वाम गठवन्धनका तीन कार्यकर्ता पक्राउ परेका छन् । पर्साकोे पोखरिया नगरपालिकाबाट नगद ३ लाख रुपैयाँसहित गठवन्धनका तीन कार्यकर्ता पक्राउ परेका हुन् ।
मौन अवधिमा ठूलो परिमाणमा रकम लिएर जाँदै गरेको अवस्थामा बाम गठबन्धनका कार्यकर्ता पक्राउ परेका हुन् ।
इलाका प्रहरी कार्यालय, पोखरीयाका अनुसार निर्वाचनलाई लक्षित गर्दै गरिएको चेकजाँचको क्रममा पोखरियामा रहेको एक पेट्रोल पम्प नजिकैबाट एमालेको चुनाव चिन्हमा स्वास्तिक छाप लागेको २ हजार नमुना मतपत्र र नगद ३ लाखसहित उनीहरु पक्राउ परेका हुन् ।
पक्राउ पर्नेहरुमा अशोक रौनियार, फुलकौलका बासुप्रसाद र बृजेश पटेल रहेका छन् ।
रौनीयार, पर्सा क्षेत्र नम्बर ३ मा प्रतिनिधिसभा सदस्यका लागि वाम गठबन्धनका उम्मेदवार एवम् एमाले नेता राजकुमार गुप्ता रौनीयारका भाइ हुन् ।
उनीहरुलाई ना १ ह ९३३२ नम्बरको अटो रिक्सामा पोखरिया गइरहेका बेला ३ लाख नगद सहित नियन्त्रणमा लिएको प्रहरीको भनाई छ ।
उनीहरुको बारेमा थप अनुसन्धान भइरहेको बुझिएको छ ।
