यसकारण भयो निर्वाचन गराउन गएका साहायक मतदान अधिकृतको मृत्यु

धनगढी मंसिर, १९–
निर्वाचनमा खटिएका एक साहायक मतदान अधिकृतको मृत्यु भएको छ ।  कैलालीको निर्वाचन क्षेत्र ४ को कालिका प्रावि मतदान केन्द्र (ख) मा खटिएका सहायक मतदान अधिकृत यज्ञलाल उपाध्यायको मृत्यु भएको हो । उनको  हृदयाघातका कारण मृत्यु भएको बताईएको छ । 
बाजुरा जिल्ला स्थायी घर भएका उपाध्याय जिल्ला प्रशासन कार्यालय कैलालीमा नायब सुब्बामा कार्यरत थिए ।
सोमबार मतदान केन्द्र नजिकै रहेको मसुरिया बजारमा सामान किनमेल गर्ने क्रममा बेहोस भएका उपाध्यायको उपचारका लागि सेती अञ्चल अस्पताल धनगढी पु¥याउने क्रममा बाटामै राति मृत्यु भएको कैलाली प्रहरीले जनाएको छ ।