बुधबार, साउन १३ २०८३
बुधबार, साउन १३ २०८३
काठमाडौ मंसिर, ११–
गुराँस लाइफ इन्स्योरेन्स कम्पनी लिमिटेडको प्रमुुख कार्यकारी अधिकृतमा नारायण कुुमार भट्टराई नियुुक्त भएका छन् । कम्पनीको सञ्चालक समितीको १ सय ४२ औं बैठकले भट्टराईलाई २०७४ साल कात्तिक ११ गते देखि नै लागुु हुनेगरि ४ वर्षको लागि प्रमुुख कार्यकारीमा नियुुक्त गरेको हो ।
काठमाडौं जिल्ला, काठमाडौं महानगरपालिका वडा नं. ४ निवासी भट्टराईले पुुने युनिभर्सिटीबाट एमबिएको उपाधी हाँसिल गरेका छन् । लाइफ इन्स्योरेन्स कर्पोरेशन नेपालमा करिब ९ वर्ष सेवा गरि मिति २०६८ साल मंसीर १ गते गुराँस लाइफ इन्स्योरेन्स कम्पनी लिमिटेडमा सहायक महाप्रबन्धक पदमा नियुक्त भएका भट्टराई मिति २०७० साल माघ एक गतेदेखि नायब महाप्रबन्धक पदमा बढुवा भएका थिए । कार्यरत अवधिमा कम्पनीको मार्केटिङ्ग विभाग प्रमुख, पुनर्बीमा विभाग प्रमुख को जिम्मेबारी कुशलतापुर्वक निर्वाह गरेका भट्टराईले यस अवधिमा धेरै पटक कम्पनीको कायम मुकायम प्रमुख भई कार्य गरिसकेका छन् ।
हालै मात्र राष्ट्रिय स्तरको उत्कृष्ट अभिकर्ता तथा अभिकर्ता संयोजक भेलामा आफ्नो लागि, आफ्नो बुढेशकालको लागि तथा आफ्नो सन्ततिको लागि उपयुक्त रहेकोे “ गुराँस सुरक्षित भविष्य जीवन बीमा योजना”सार्वजानिक गरेको तथा कम्पनीले आफ्नो स्थापनाकालदेखि नै विभिन्न किसिमका बीमितहरुको चाहना बमोजिम जीवन बीमा योजना ल्याउँदै नेपाल राज्य भर ७ वटा क्षेत्रीय कार्यालय, २० वटा शाखा कार्यालय, ३६ वटा उपशाखा कार्यालय तथा ३ वटा एक्सटेन्सन कार्यालय मार्फत जीवन सेवा प्रदान गरि रहेको यस कम्पनीले आफनो अभिकर्ता संजाल मार्फत नेपाल राज्यभर बीमा सेवा पुर्याइरहेको छ । कम्पनीले नेपाल राज्य भर सस्तो, सुलभ तथा भरपर्दो जीवन बीमा सेवा पुर्याउने तयारी गरेको छ । जीवन बीमा क्षेत्रमा लामो अनुभव संगालेका भट्टराईको नेतृत्वमा गुराँस लाइफ इन्स्योरेन्स कम्पनी लिमिटेडले नेपालको बीमा क्षेत्रमा आफ्नो विशिष्ट पहिचान बनाउँदै अगाडी बढ्ने विश्वास लिइएको छ ।
