बुधबार, साउन १३ २०८३
बुधबार, साउन १३ २०८३
काठमाडौं कात्तिक, २१–
डडेल्धुरामा निर्वाचित वडा अध्यक्ष सहित माओवादीका प्रभावशाली एक दर्जन नेताहरु नेपाली कांग्रेस प्रवेश गरेका छन् ।
सोमबार प्रधानमन्त्री समेत रहेका कांग्रेस सभापति शेरबहादुर देउवाले गन्यापधुरा गाउँपालिकाका निर्वाचित वडा अध्यक्ष चेतराज भट्ट लगायत दर्जन माओवादी केन्द्रका प्रभावशाली नेताहरुलाई कांग्रेस प्रवेश गराएका हुन्. ।
हिजो मात्र कांग्रेस प्रवेश गरेका भट्ट गत स्थानीय चुनावमा माओवादी केन्द्रबाट गन्यापधुरा–४ बाट अध्यक्षमा निर्वाचित भएका थिए । उनी यसअघि माओवादी केन्द्रका अध्यक्ष पुष्पकमल दाहाल प्रधानमन्त्री हुदा उनको स्वकिय अधिकृत समेत रहेका थिए । उनी माओवादी केन्द्र डडेलधुराका जिल्ला सदस्य समेत हुन् ।
त्यस्तै, डडेलधुराका वाईसिएल नेपालका केन्द्रीय सदस्य इन्द्रबहादुर कठायत पनि कांग्रेस प्रवेश गरेका छन् । गन्यापधुरा गाउँपालिका वडा नम्वर ४ का सदस्यहरु नरजित भुल र वीरबहादुर भुल पनि कांग्रेस प्रवेश गरेका हुन् ।
डडेलधुराका माओवादी केन्द्रका अगुवा कार्यकर्ताहरु मानबहादुर धानुक, गोपाल खत्री, मिनराम साउद र धनिलाल पाल समेत कांग्रेस प्रवेश गरेको प्रधानमन्त्री देउवाका प्रेस सल्लाहकार गाविन्द परियारले जानकारी गराए । उनीहरु सबैलाई प्रधानमन्त्री समेत रहेका देउवाले खादा लगाएर कांग्रेसमा स्वागत गरेका हुन् ।
