बुधबार, साउन १३ २०८३
बुधबार, साउन १३ २०८३
धादिङ कात्तिक, ११ –
आज बिहान गजुरी भएको बस दुर्घटनामा १९ जनाको मृत्यु भएको छ । गजुरी गाउँपालिका ५ बांगेमोडबाट त्रिशूली नदीमा बस खस्दा ११ जनाको मृत्यु भएको प्रहरीले बताएको छ ।
प्रहरीका अनुसार घटनास्थलबाट ७ जना पुरुष र ४ जना महिलाको शव फेला परेको हो ।
मृत्यु हुनेको सनाखत हुन सकेको छैन । बेपत्ताको खोजीकार्य जारी छ । बसमा कति यात्रु सवार थिए भन्ने यकिन भएको छैन ।
जिल्ला ट्राफिक प्रहरी कार्यालयका प्रहरी निरीक्षक कृष्णप्रसाद सापकोटाका अनुसार खचाखच यात्रु लिएर आएको बस गजुरी गाउँपालिका अन्तर्गत घाटबेँसीको मोडबाट त्रिशूली नदीमा खसेको हो ।
अँध्यारामै गाडी नदीमा परेपछि गाडीको झ्यालबाट नदीमा खसेका १३ घाइतेलाई स्थानीयवासी र प्रहरीले उद्धार गरेर गजुरी गजुरी अस्पतालमा उपचारका लागि पु¥याएका थिए ।
प्रहरी निरीक्षक सापकोटाले गाडीबाट पानीमा झरेका दुई जना पौडी खेलेर बाहिर निस्किएपछि सम्पर्कविहीन भएको जानकारी गराए ।
घाटबेँसीको बाङ्गेस्थित दुर्घटना भएको स्थानमा त्रिशूली नदी सडक किनार छेउमा आएको र बाटो घुमाउरो भएकाले रात्रि बसले धेरै गतिका कारण नियन्त्रणमा लिन नसकेर नदीमा परेको हो ।
अहिलेसम्म गाडीमा भएका यात्रु र तिनको अवस्थाका बारेमा कुनै
जानकारी हुन नसकेको प्रहरीको भनाई छ ।
