बीमाको जानकारी दिने एनएलजीको मोबाइल एप्स सार्वजनिक

काठमाडौं असोज, २७–
ग्रहाकहरुलाई उत्कृष्ट सेवा प्रदान गर्दै आईरहेको एनएलजी इन्स्योरेन्स कम्पनीले ग्रहाकका लागि एनएलजी मोबाइल एप्स सार्वजनिक गरेको  छ ।  निरन्तर ग्राहक सेवामा फड्को मार्न सफल यस इन्स्योरेन्स कम्पनीले बीमाको जानकारी लिन ग्रहाकलाई सजिलो होस भनेर  मोबाइल एप्स सार्वजनिक गरेको जनाएको छ । 

 मोबाइल एप्स मार्फत ग्राहकहरुले बीमा गर्न चाहेका सम्पत्तिहरुको बीमा शुल्क, गणना गर्नुका साथै विभिन्न प्रकारका बीमा लेखहरुकाबारेमा थप जानकारी प्राप्त गर्न सकिने कम्पनीको भनाई रहेको छ ।  बीमा लेखले गर्ने जोखिम बहनका बारेमा  समेत उक्त एप्सबाट जानकारी लिनसक्ने व्यवस्था गरिएको बताईएको छ । 

प्रमुख–मानव संशाधन विभाग शाखाका नौमीनाथ अधिकारीका अनुसार  निकट भविष्यमा  एनएलजी एप्सबाट सम्बन्धित ग्राहकले आफ्नो बीमालेखको तथा दाबी भुक्तानी प्रकृयाका बारेमा समेत थप जानकारी प्राप्त गर्न सक्ने छन् ।  उक्त एप्स (Google play) मा गई  (NLG Apps Download)   गरि प्रयोगमा ल्याउन सकिने र एकपटक  (Down load) गरिसकेपछि उक्त  (Apps)  लाइ अफ 
लाइनमा समेत प्रयोगमा ल्याउन सकिने उनको भनाई छ ।