बुधबार, साउन १३ २०८३
बुधबार, साउन १३ २०८३
सिरहा भदौ, २६–
कांग्रेस नेता डा. शेखर कोइरालाले तराई मधेस र पहाडको सदभाव बिथोल्ने भनेको एमाले र मधेसवादी दल भएको बताएका छन् । नेता कोइरालाले एमालेको नक्कली राष्ट्रबाद र मधेसी दलको उग्रमधेसवादको नाराले तराई–मधेस र पहाडका बीचमा सामाजिक सदभाव बिथोलिएको दाबी गरे । एमाले तथा मधेसवादी दलको यस्तो रवैयाले देशलाई जातिय द्धन्द तर्फ धकेलिन सक्ने खतरा औंल्याउँदै उनले त्यसतर्फ सबै सचेत हुनुपर्नेमा जोड दिए । नेता कोइरालाले एमाले र मधेसी दल मिति सकिएका औषधी जस्तै भइसकेको दाबी गर्दै यी दलहरूले अब मधेस र मधेसीको हितमा काम गर्न नसक्ने समेत प्रष्ट पारे ।
नेपाली काँग्रेस सिराहा नगर समितिले सन्हैठामा आयोजना गरेको चुनावी सभालाई सम्वोधन गर्दै उनले मधेसी दलले सिर्जना गरेको भ्रमबाट मुक्त हुन मधेसी जनतालाई आग्रह समेत गरे ।
कोइरालाले मधेसको समस्या कांग्रेसले मात्रै समाधान गर्न सक्ने दाबी समेत गरे ।
कार्यक्रममा कोषाध्यक्ष सितादेबी यादव लगायतले समेत आफ्नो धारणा राखेका थिए ।
