आजदेखि चलचित्र ‘२ रुपैयाँ’ रिलिज

काठमाडौं भदौ २३–
नेपाली चलचित्र ‘२ रुपैयाँ’  आजबाट रिलिज भएको छ । काठमाण्डौ लगायत देशभरका मल्टिप्लेक्स हलमा उच्च शोका साथ रिलिज भएको यो चलचित्रले व्यापारमा पनि नयाँ रेकर्ड राख्ने आकलन गरिएको छ ।  असिम शाहको निर्देशनमा तयार चलचित्र  ‘२ रुपैयाँ’ प्रदर्शनमा आउनु अगावैबाट चर्चा परिचर्चा भएको चलचित्र हो ।  चलचित्र निर्देशनमा  छुट्टै पहिचान बनाउन सफल निर्देशक निश्चल बस्नेतले अभिनय गरेको चलचित्र भएकाले पनि यो चलचित्रको धेरै चर्चा भएको हो । त्यति मात्र होईन चलचित्र  ‘२ रुपैयाँ’मा समाबेश गरिएको  ‘कुटुमा कुटु’ बोलको गीतको कारणले पनि चलचित्र थप चर्चामा आएको हो ।  चलचित्रमा समावेश ‘कुटुमा कुटु’ बोलको गीत अहिले सर्वाधिक चर्चामा छ । उक्त  गीतका कारण पनि चलचित्रलाइ फाइदा पुग्ने निर्माण युनिटले विश्वास लिएको छ ।     यो चलचित्रमा निश्चल बस्नेत, आशिफ शाह, मेनुका प्रधान, टिका पहारी लगायतका कलाकारको मुख्य भूमिका रहेको छ । 

चलचित्रमा ‘२ रुपैयाँ’का लागि हुने ग्याङ फाइटको कथालार्इ निर्देशकले कमेडी शैलीमा  उतार्ने प्रयास गरेका छन् ।