बुधबार, साउन १३ २०८३
बुधबार, साउन १३ २०८३
काठमाडौं भदौ, १–
माओवादी केन्द्रका अध्यक्ष समेत रहेका पूर्व प्रधानमन्त्री पुष्पकमल दाहाल ‘प्रचण्ड’ ले संविधान संशोधन विधेयक प्रस्ताव अघि बढाउन एमाले सहमत भएको बताएका छन् । त्यसैले, पूर्वप्रधान्त्री दाहालले संविधान संशोधन प्रस्ताव पारित हुने दाबी समेत गरेका छन् । बिहीबार जनकपुर विमानस्थलमा पत्रकारहरुसँग कुराकानी गर्दै प्रचण्डले भदौ ५ गते संविधान संशोधन विधेयक पारित हुने प्रष्ट पारेका हुन् । एमालेले प्रतिवद्धता जनाएकाले र राप्रपा समेत संसोधनमा सकारात्मक देखिएकाले संविधान संशोधन विधेयक भदौ ५ गते पास हुने प्रचण्डको दाबी छ ।
मधेसवादी दलले लामो समयदेखि संविधान संसोधनको माग राख्दै आन्दोलन गर्दै आएका छन् । तर, व्यवस्थापिका संसद्को गणितका कारण संविधान संसोधनको उनीहरुको माग पूरा हुन सकेको छैन ।
मधेसकेन्द्रित दलको संविधान संशोधनको माग पूरा गराउन लागिपरेको सरकारले पुनः यसलाई अघि बढाउन लागेको छ ।
फरक प्रसंगमा माओवादी अध्यक्ष प्रचण्डले प्रदेश र प्रतिनिधिसभाको निर्वाचन एकै मितिमा हुने बताएका छन् । राजनीतिक दलहरुबीच एकै पटक दुवै निर्वाचन गर्ने सहमति बनिसकेको प्रचण्डले खुलासा समेत गरेका छन् ।
बाढीपीडितको अवस्था बुझ्न अध्यक्ष प्रचण्ड केहि दिनदेखि तराईमा रहेका छन् ।
